Լեո Մեսսին շարունակում է պատմություն կերտել համաշխարհային
ֆուտբոլում: Արգենտինացին Ցյուրիխում ստացավ իր 4 - րդ անընդմեջ Ոսկե
գնդակը` մեծագույն ռեկորդ ֆուտբոլի պատմության մեջ: Նա գերազանցել է 2 - րդ
և 3 - րդ տեղերը զբաղեցրած Քրիստիանո Ռոնալդոյին ու Անդրես Ինիեստային:
Մրցանակը ստանալուց հետո ասաց. "Անհավանական է, որ կրկին ստանում եմ այս
մրցանակը: Դա տպավորիչ է: Ցանկանում եմ շնորհակալություն հայտնել և կիսել
իմ այս մրցանակը Բարսելոնայում խաղընկերներիս հետ, մանավանդ Անդրեսի,
ինչպես նաև Արգենտինայի հավաքականի ֆուտբոլիստների հետ: Սա պատիվ է:
Շնորհակալ եմ իմ ընտանիքին, իմ ընկերներին, և, իհարկե, առանձնահատուկ
կերպով շնորհակալ եմ իմ կնոջն ու երեխայիս, ով հանդիսանում է ամենագեղեցիկ
բանը, որն ինձ տվել է Աստված": Նրա խոսքերից հետո Կոնգրեսհաուսում հավաքվածները, բացառությամբ 2 - 3 - ի, հոտնկայս ծափահարեցին աշխարհի լավագույն ֆուտբոլիստին:
Այդպիսով, Լեո Մեսսին գերազանցում է այնպիսի ֆուտբոլային մեծություններին,
ինչպիսիք են Միշել Պլատինին, Յոհան Կրույֆն ու Մարկո վան Բաստենը: Այդ 3 - ը
3 - ական անգամ են արժանացել Ոսկե գնդակին: Այդ առումով Բարսայի 10 համարն
իրեն հավասարը չունի ողջ ֆուտբոլային պատմության մեջ:
